Sandane skule
Gotavegen 20
6823 SANDANE 
Kart

tlf: 5786 8080
Kontaktskjema




Gloppen folkebibliotek
5788 3990
 


pent   yr   storm



Til hovedsiden

   Faglenkje                       Kart                       Media 
    
           
    Føresette                                                                Lærarar
                    
                                              

Nytt

Velkomne til nytt skuleår!

Då er vi i gang. Måndag 18.08. samla vi dei 265 elevane, alle dei tilsette og foreldra til dei nye levane ved flaggstonga på skuleplassen. Rektor ønskte velkomen, det var flaggheising og vi song Nordfjordsongen. Oppstarten har gått fint. Det verkar som om både små og store tykkjer det er fint å vere tilbake igjen etter ein strålande sommar!
20.08.2014

Nytt elektronisk busskort

Frå skulestart i år vert det innført elektroniske busskort.Vi har fått informasjon frå samferdsleavdelinga i Sogn og Fjordane fylkeskommune og tar med hovudskilnadane frå tidlegare år: 1. Elevane må registrere kortet i billettmaskinen hos sjåføren kvar dag når dei går på bussen 2. Om dei har gløymt busskortet, får dei følgje bussen til skulen, men må låne eit erstatningskort på skulen som dei dei må bruke på heimreisa. 3. Kortet skal nyttast alle åra du går på skule og har rett til fri skuleskyss. Ein får ikkje lenger nytt kort for kvart år. 4. Frå 5. klasse kan det bli aktuelt å innføre erstatningsgebyr om kortet vert skada eller kjem bort. Når elevane tek til på skulen, vil dei få ei brosjyre med fyldigare informasjon.
06.08.2014

Snart nytt skuleår

Aktiviteten på Sandane skule er så smått i gang. SFO opna 28.07., og administrasjonen har vore i arbeid frå 04.08. Også denne sommaren har det skjedd litt nytt. Vi har kjøpt inn nye pultar og stolar til to klasserom, og vi har fått avdelt nytt grupperom i mediateket. Ute er området langs gangvegen no heilt ferdig med fine murar, nylagd asfalt og nysådde plenar. Det har vorte retteleg fint! Skuleåret for lærarane tek til tysdag 12.08 med planlegging. Resten av veka er det kurs og planlegging. Assistentane tek til med kurs onsdag 13.08. og held fram med planlegging både på SFO og skule seinare i veka. SFO har stengt onsdag og torsdag. Skuleåret for elevane tek til måndag 18.08.
05.08.2014

God sommar!

Då er atter eit skuleår til ende. Vi på Sandane skule tykkjer vi har hatt eit godt arbeidsår med mykje god aktivitet rundt i dei ulike klassane. Høgdepunktet dette skuleåret var utan tvil den flotte kulturkvelden vår i februar der Grunnlovsjubileet 2014 var tema. Vi hadde to forestillingar med fulle hus, og tilbakemeldingane frå foreldre, besteforeldre og andre var utan unntak svært positive. No ser alle fram til sommarferien, og vi på Sandane skule nyttar høvet til ønskje elevar, foreldre og andre samarbeidspartar ein god sommar!
22.06.2014

Flott avslutningsfest for 7. klassane

Tysdag 17.06. var det avslutningsfest for 7. klassane. Dei to klassane har hatt eit nært og godt samarbeid i løpet av siste åra og hadde difor felles avslutningsfest med godt program, musikk, song, drill og vising av bilete frå skuletida. Det var mange talar med vel fortente godord til elevane, overrekking av blomster og matpause. Kvelden vart avslutta med linedance der alle elevane var med og ein frisk fotballkamp mellom elevar og foreldre. Vi takkar 7. klasane for fine år på barneskulen og ønskjer lukke til på ungdomssskulen.
22.06.2014

RSS

Gymnastikk - symjing

Retningsliner for kroppsøving 

Nasjonale prøver    
Innlogging

Brukarundersøking:
Innlogging

FEIDE pålogging












Få varsel om nyhende

Din Epost-adresse: